«حزّر هزّر» تجميعة ألعاب عربية بالمصري بتتلعب في القعدة. مع الشلة — كل واحد ماسك موبايله وداخل بكود، أو موبايل واحد بيلف عليكم في النص — ومع صاحبك على موبايلين أو على موبايل واحد بينكم، ولو مفيش حد جنبك فيه «اتحدّى نفسك» تلعب فيه لوحدك قدام البنك وتحاول تكسر رقمك. من غير تسجيل — على أندرويد من التطبيق، وعلى الآيفون من المتصفح.
«حزّر هزّر» تعاون بين HAZZAR Games وMohamed & Taghreed.
HAZZAR Games — فريق مصري صغير بيطوّر ألعاب وتحدّيات للشلة، وللصحاب، وليك انت كمان لما تبقى لوحدك، بالمصري ومجانًا ومن غير تسجيل.
Mohamed & Taghreed — صنّاع محتوى بيشاركوكم من زمان تحدّيات وألعاب بينهم، ودلوقتي بيقدّموهالكم هنا في تطبيق تلعبوه مع بعض.
تلاتين لعبة على تلات أنواع:
العب مع الشلة — من 3 لـ 12 لاعب، كل واحد من موبايله
حبر سري · خليك لمَّاح · الجاسوس · أسئلة ومعلومات · المحقق والمتهم · الرسام · سمسم والكنز
العب مع الشلة على جهاز واحد — موبايل واحد بيلف عليكم
الجاسوس · المحقق والمتهم · خليك لمَّاح
العب مع صاحبك — لاعبين بس، كل واحد من موبايله
الحق حماصه · سلسلة الكلمات · جمع الكلمة · خليك لمَّاح · المحقق والمتهم · أسئلة ومعلومات · خبّي فلوسك · سمسم والكنز · شخبط وافتكر
العب مع صاحبك على جهاز واحد — موبايل واحد بينكم انتوا الاتنين
سلسلة الكلمات · الحق حماصه · خليك لمَّاح · المحقق والمتهم
اتحدّى نفسك — لاعب واحد، من غير روم
الحق حماصه · سلسلة الكلمات · جمع الكلمة · خليك لمَّاح · أسئلة ومعلومات · سمسم والكنز · شخبط وافتكر
وكل لعبة أول ما تفتحها بتلاقي شرحها كامل: فكرتها وقواعدها ونظام النقط بتاعها.
على أندرويد من خلال التطبيق — نزّله من جوجل بلاي. وعلى الآيفون من المتصفح على طول من hazzar.app، من غير ما تنزّل حاجة، لحد ما التطبيق ينزل على App Store.
اللعبة بتتحدّث باستمرار — ألعاب جديدة، أسئلة وكلمات جديدة، وتحسينات على أساس ملاحظات اللاعيبة. لو عندك اقتراح للعبة، أو لقيت مشكلة، أو حابب تقول رأيك — كلّمنا، بنقرا كل حاجة بتوصلنا.
ألعب اللعبة إزاي؟ تقدر تنزّلها من على جوجل بلاي وتلعبها من خلال التطبيق بشكل سهل وسريع لمستخدمي الأندرويد.
أعمل إيه لو مش قادر أنزّل التطبيق من جوجل بلاي أو لو كنت من مستخدمي الآيفون؟ تقدر تلعبها على المتصفح على طول من اللينك ده hazzar.app بسهولة جدًا برضه.
محتاج أسجّل حساب؟ لأ — عشان نضمنلك أسهل تجربة لعب لكل أصحابك في الشلة.
ينفع نلعب على موبايل واحد؟ أيوه — في «العب مع الشلة» و«العب مع صاحبك» اختار «على جهاز واحد»، وموبايل واحد بيلف عليكم من غير روم ولا كود. ولو كل واحد معاه موبايله، العبوا نسخة «كل واحد بجهازه» بالكود.
الإجابات بتتحفظ؟ لأ — الروم بيتمسح لوحده أول ما يخلص. اللي بيتحفظ على جهازك انت بس: إعداداتك ورقمك القياسي في «اتحدّى نفسك»، ولعبة على جهاز واحد لسه مخلصتش عشان ترجعوا من نفس المكان.
لو النت قطع؟ ارجع بنفس الجهاز وهتلاقي مكانك زي ما هو وسكورك محسوب — في ألعاب الروم اللعبة بتقف وتستنّاك، وفي «اتحدّى نفسك» الوقت بيقف معاك، وألعاب الجهاز الواحد أصلًا بتشتغل على الموبايل نفسه بعد ما تبدأوا.