«حزّر هزّر» تجميعة ألعاب جماعية بتتلعب من المتصفح أو من تطبيق أندرويد. الصفحة دي بتشرح بالظبط إيه البيانات اللي بنتعامل معاها وإيه اللي مش بنجمعه.
اسمك وأصدقاؤك بيتحفظوا عندنا على السيرفر عشان يفضلوا معاك كل مرة تفتح، وأصدقاؤك بيشوفوا اسمك وإنت فاتح اللعبة ولا لأ. الحساب مالوش إيميل ولا باسورد — بيتعرف بمفتاح عشوائي على جهازك، و«كود استرجاع حسابك» هو اللي بيرجّعه لو غيّرت موبايلك. وكل حساب ليه «كود إضافة» ثابت: اللي بتدّيله الكود ده (أو لينك «ضيفني») هو بس اللي يقدر يضيفك عنده.
اللي بيحصل جوّه الروم نفسه (الإجابات والتلميحات والنقط) بيتخزن في ذاكرة السيرفر مؤقتًا طول ما الروم شغال بس، وبيتمسح لوحده لما الروم يقفل.
عشان نقدر نوقف أي حد بيضايق اللاعيبة، بنحفظ مع حسابك عنوان الإنترنت (IP) اللي بتفتح منه اللعبة ورقم عشوائي لجهازك (كوكي hzd). دول بيتمسحوا لوحدهم بعد ٩٠ يوم، ومحدش بيشوفهم غير إدارة حزّر هزّر، ومش بنستخدمهم غير لو اتقدّمت ضدك شكوى واتأكدنا منها. ساعتها ممكن نحظر حسابك وجهازك من اللعبة، ونحظر كمان عنوان الإنترنت بتاعك لمدة ٣٠ يوم لو كان واي فاي بيت (عنوان شبكة الموبايل مش بنحظره عشان بيبقى عليه ناس كتير). الحظر على الجهاز والعنوان بيفضل حتى لو مسحت حسابك.
ولو دخلت جروب حزّر هزّر على فيسبوك: وإنت بتطلب تدخل بتكتب اسمك و«كود استرجاع حسابك»، وإدارة الجروب بس هي اللي بتشوفهم. بنستخدمهم عشان نتأكد إن الحساب بتاعك، وبعدها بنربط حسابك على فيسبوك بحسابك في اللعبة عشان نقدر نتصرف لو جت شكوى.
بنستخدم تخزين المتصفح المحلي (localStorage) وكوكيتين (hza وhzd) عشان نفتكر: مفتاح حسابك، رقم جهازك، كود آخر روم كنت فيه، وإعدادات اللعبة (الصوت والرجفة ومسافة شريط الإشعارات). الحاجات دي بتفضل على جهازك انت، وبتقدر تمسحها من إعدادات المتصفح في أي وقت.
التطبيق مش بيطلب أي أذونات تانية.
تقدر تقفل أي نوع فيهم لوحده من إعدادات أندرويد ← التطبيقات ← Hazzar ← الإشعارات.
ممكن نعرض إعلانات من Google (AdSense على الموقع و/أو AdMob في التطبيق). جوجل وشركاؤها ممكن يستخدموا ملفات تعريف الارتباط ومعرّف الإعلانات لعرض إعلانات مناسبة. تقدر تتحكم في ده من إعدادات إعلانات Google، ومن إعدادات جهازك (إعادة ضبط معرّف الإعلانات أو إيقاف التخصيص). للمستخدمين في أوروبا بنعرض شاشة موافقة قبل أي إعلانات مخصصة.
وفي التطبيق، إعلانات جوجل (AdMob) ممكن تيجي كمان من شبكات إعلانية شريكة عن طريق وساطة AdMob، ومنها Unity Ads وLiftoff (Vungle) وMintegral. الشبكات دي ممكن تجمع معرّف الإعلانات وبيانات عن الجهاز (زي الموديل ونسخة النظام واللغة) وموقعك التقريبي من عنوان الإنترنت، عشان تعرض الإعلان وتقيس أداءه وتمنع الاحتيال. ونفس اختيارك في شاشة الموافقة وإعدادات جهازك بيسري عليهم. تقدر تقرا سياساتهم: Unity، Liftoff، Mintegral.
تقدر تغيّر موافقتك على الإعلانات في أي وقت من إعدادات الخصوصية.
في تطبيق أندرويد تقدر تشترك أسبوعي أو شهري أو سنوي عشان تلعب من غير إعلانات. الدفع كله بيتم عن طريق Google Play، وإحنا مش بنشوف ولا بنحفظ بيانات الكارت أو وسيلة الدفع.
بنحفظ مع حسابك: نوع الباقة وتاريخ انتهائها ورقم العملية اللي Google Play بيبعته، عشان نتأكد إن الاشتراك شغّال ونرجّعهولك لو رجّعت اسمك على موبايل تاني. وGoogle Play بيبلّغنا لما الاشتراك يتجدّد أو يتلغي.
اللعبة مناسبة للعائلة ومفيهاش محتوى للكبار، وإحنا مش بنجمع بيانات شخصية من أي حد بما فيهم الأطفال.
الموقع كله شغال على HTTPS. ومع إن البيانات مؤقتة، فمهم تعرف إن أي حاجة بتكتبها في اللعبة أو في شات الروم بيشوفها باقي اللاعيبة في نفس الروم، ورسايل شات الأصدقاء بيشوفها صاحبك. متكتبش أي بيانات شخصية في الشات.
تقدر تمسح اسمك وأصدقاءك وكل بياناتك في أي وقت من هنا، أو من شاشة الأصدقاء ← «امسح حسابي». ده بيمسح كمان محادثاتك، والحظر والكتم اللي عملتهم، والبلاغات اللي انت قدّمتها. البلاغات اللي اتقدّمت ضدك بتفضل لحد ما مدتها (٩٠ يوم) تخلص.
لو مشترك: مسح حسابك مش بيلغي الاشتراك. الإلغاء من Google Play ← الاشتراكات.
مفيش حساب على الموبايل ده. لو مسحت التطبيق، ابعتلنا من صفحة التواصل باسمك وهنمسحه.
لو حصل تغيير هنحدّث الصفحة دي وتاريخ آخر تحديث فوق.
لأي استفسار عن الخصوصية: Hazzarapp@gmail.com — أو من صفحة التواصل
← رجوع للألعاب