🔎 المحقق والمتهم — لعبة تحقيق وتحليل واستجواب صحابك

لعبة استنتاج وتحقيق بتعملها الشلة. لاعب واحد بياخد كلمة سرية ويبقى «المتّهم» وباقي اللاعيبة هم «المحققين». دورهم إنهم يحققوا معاه ويسألوه أسئلة إجابتها أه / لا / مش قادر أحدد. واللي يوصل للكلمة بدري فيهم — من أسئلة وعدد جولات أقل — بياخد نقط أكتر.

كام لاعب؟ 👥

من 3 لـ 12 لاعب، وأحسن تجربة من 4 لـ 8. العدد ده بيدّي أسئلة كفاية لكل واحد من غير ما الدور يطوّل.

إزاي تقدر تلعب اللعبة؟ 🎮

• حد فيكم بيعمل روم وبيبعت الكود للشلة.
• الباقي بيدخلوا بنفس الكود ويختاروا اسمهم والأفاتار اللي يعبّر عنهم.
• الهوست بيظبّط الإعدادات ويبدأ الجيم.
• كل دور لاعب فيكم بيكون المتّهم وبياخد كلمة سرية من البنك أو بيحددها هو بنفسه.
• المحققين بيبدأوا يسألوا أسئلتهم ويحللوا الإجابات ويربطوا الخيوط ببعض عشان يقدروا يوصلوا للكلمة.
• اللي بيقدر يوصل للكلمة بيسلّم إجابته في الجولة اللي وصل فيها عشان ياخد نقط أكتر، ويستنّى باقي المحققين لما يخلّصوا تحقيق ويسلّموا إجاباتهم.

الهوست بيحدد إيه؟ ⚙️

• بيحدد الكاتيجوريز اللي هتختاروها ويجي منها الكلمات السرية.
• بيحدد مستوى الكلمات — سهل ولا متوسط ولا صعب، وينفع أكتر من مستوى مع بعض — عشان تعرفوا مستوى الصعوبة وتفكّروا بشكل مناسب.
• بيحدد عدد أسئلة كل محقق — هتبقى كام سؤال للمتّهم في كل قضية.
• بيحدد كل لاعب فيكم يبقى المتّهم كام مرة، ومنها بيتحدد عدد القضايا (عدد اللاعبين × كل لاعب يبقى متّهم كام مرة).
• بيحدد ترتيب أسئلة المحققين ومين يبقى المتّهم — عشوائي ولا بالدور.
• بيحدد هل المتّهم لازم يسحب كلمة من البنك بس ولا عادي يختار ويحدد بنفسه.
• بيحدد وقت كتابة السؤال ووقت رد المتّهم.
• لو الوقت مفتوح بيقدر يتخطّى سؤال أو إجابة أو قرار بالاستمرار لأي حد بيعطّل اللعب.
• تخمينك بيفضل مقفول ومحدش يعرف صح ولا غلط لحد ما القضية تخلص — ساعتها بتتكشف الكلمة وكل التخمينات ومين عرفها. والمتّهم نفسه مبياخدش نقط.

قواعد اللعبة 📋

• كل جولة = سؤال واحد من كل محقق بالترتيب أو عشوائي، والسؤال والرد بيظهروا للكل.
• ممنوع تكرار السؤال اللي اتسأل قبل كده.
• لازم كل سؤال يبقى سؤال إجابته بالإيجاب أو النفي في صيغته.
• ممنوع على المتّهم إنه يجاوب غلط عشان يضلّل المحققين وميوصلوش للإجابة، وإلا الجيم هيبوظ على الكل.
• مفيش سجل ترجعله — فلازم تركّز وتحفظ وتربط الإجابات والخيوط ببعض.
• المتّهم بيستخدم «مش قادر أحدد» في حالة إن الإجابة تنفع أه ساعات ولا ساعات تانية، أو هو ميعرفش.
• لو المتّهم عدّى الوقت من غير ما يجاوب، بيتخصم منه 10 نقط عن كل سؤال بيعطّل فيه ومبيجاوبوش وبيضيّعه على المحققين.

نظام النقط والمكسب 🏆

• كل ما تسلّم إجابتك بدري أكتر كل ما بتاخد نقط أكتر — يعني لو سلّمت بعد أسئلة الجولة الأولى هتاخد 100، ولو بعد التانية 90، ولو بعد التالتة 80، وهكذا.
• المتّهم مش بياخد نقط، وكده وكده كلكم بتبقوا المتّهم نفس عدد الأدوار — فالجيم بيكون عادل.

أسئلة شائعة ❓

ألعب اللعبة إزاي؟ تقدر تنزّلها من على جوجل بلاي وتلعبها من خلال التطبيق بشكل سهل وسريع لمستخدمي الأندرويد.

أعمل إيه لو مش قادر أنزّل التطبيق من جوجل بلاي أو لو كنت من مستخدمي الآيفون؟ تقدر تلعبها على المتصفح على طول من اللينك ده hazzar.app بسهولة جدًا برضه.

محتاج أسجّل حساب؟ لأ — عشان نضمنلك أسهل تجربة لعب لكل أصحابك في الشلة.

الإجابات بتتحفظ؟ لأ — بتتمسح لوحدها أول ما الروم يخلص.

ينفع نلعب على موبايل واحد؟ النسخة دي لأ — كل واحد على جهازه عشان الإجابات تفضل سرية. بس فيه نسخة مخصوصة لموبايل واحد بيلف عليكم: من «العب مع الشلة» اختار «على جهاز واحد».

لو النت قطع؟ ارجع بنفس الجهاز وهتلاقي مكانك زي ما هو وسكورك محسوب.