💡 خليك لمّاح — لعبة تلميحات جماعية واستنتاج الكلمة

لعبة سرعة وبديهة للشلة. كل جولة لاعب بياخد دور «الملمّح» وبيشوف كلمة سرية من الكاتيجوريز اللي بتحددوها، وبيكتب تلميح ورا تلميح — والباقي بيقروا التلميحات ويحاولوا يجيبوا الكلمة صح.

كام لاعب؟ 👥

من 3 لـ 12 لاعب، وأحلى تجربة شلة من 4 لـ 8 تعرف بعضها كويس.

إزاي تقدر تلعب اللعبة؟ 🎮

• حد فيكم بيعمل روم وبيبعت الكود للشلة.
• الباقي بيدخلوا بنفس الكود ويختاروا اسمهم والأفاتار اللي يعبّر عنهم.
• كل جولة واحد بيبقى الملمّح وبياخد الكلمة السرية.
• بيكتب تلميح والباقي يخمّنوا، ولو محدش جابها صح يكتب تلميح تاني ويجاوبوا، وهكذا لحد ما حد يوصل للإجابة الصح.

الهوست بيحدد إيه؟ ⚙️

• بيحدد كام دور يلمّح كل لاعب، وعدد التلميحات المسموحة في كل جولة.
• بيحدد مستوى الكلمات اللي هتحاولوا توصفوها — سواء من البنك أو لو الملمّح كتبها بنفسه — سهل ولا متوسط ولا صعب، وينفع يختار أكتر من مستوى مع بعض — عشان الباقي يقدر يعرف مستوى صعوبة الكلمة فيفكّروا بشكل مناسب.
• بيحدد الملمّح يقدر يكتب الكلمة السرية بنفسه ولا ياخد من البنك بس.
• بيحدد عدد الكلمات المتاح لكل تلميحة: كلمة أو كلمتين أو تلات كلمات.
• بيحدد ترتيب الملمّح — يجي لكل واحد دوره بالدور ولا عشوائي.
• بيحدد وقت كتابة التخمين لكل تلميحة.
• لو الوقت مفتوح بيقدر يتخطّى تلميحة أو تخمينة أو قرار بالاستمرار لأي حد بيعطّل اللعب.

قواعد اللعبة 📋

• الكاتيجوريز اللي هتختاروها هي اللي بتيجي منها الكلمات السرية.
• التلميح ميحتويش على الكلمة نفسها ولا جزء واضح منها.
• الملمّح بياخد الكلمة من البنك أو يكتبها بنفسه لو الهوست سمح بده.
• كلمة البنك ينفع تتبدّل لو صعبة.
• اللي بيجاوبوا الأول بياخدوا النقط والجولة بتنتهي.
• لو حد جاوب الكلمة صح بس حروفها كانت غلط، من حق الملمّح يحسبهالوه صح.

نظام النقط والمكسب 🏆

• اللي بيخمّنوا صح بياخدوا 100 نقطة لو خمّنوا في أول جولة، و90 في تاني جولة، و80 في تالت جولة، وهكذا لحد 10 نقط بس في الجولة العاشرة.
• الملمّح بياخد نص نقط اللي خمّن صح عشان قدر يلمّحلهم الكلمة كويس — يعني 50 أول جولة، و45 تاني جولة، وهكذا لحد 5 لو خمّنوا صح في الجولة العاشرة.

أسئلة شائعة ❓

ألعب اللعبة إزاي؟ تقدر تنزّلها من على جوجل بلاي وتلعبها من خلال التطبيق بشكل سهل وسريع لمستخدمي الأندرويد.

أعمل إيه لو مش قادر أنزّل التطبيق من جوجل بلاي أو لو كنت من مستخدمي الآيفون؟ تقدر تلعبها على المتصفح على طول من اللينك ده hazzar.app بسهولة جدًا برضه.

محتاج أسجّل حساب؟ لأ — عشان نضمنلك أسهل تجربة لعب لكل أصحابك في الشلة.

الإجابات بتتحفظ؟ لأ — بتتمسح لوحدها أول ما الروم يخلص.

ينفع نلعب على موبايل واحد؟ النسخة دي لأ — الملمّح بس هو اللي المفروض يشوف الكلمة السرية. بس فيه نسخة مخصوصة لموبايل واحد بيلف عليكم (التلميحات من اللعبة): من «العب مع الشلة» اختار «على جهاز واحد».

لو النت قطع؟ ارجع بنفس الجهاز وهتلاقي مكانك زي ما هو وسكورك محسوب.