💡 خليك لمَّاح (العب مع صاحبك) — تلميحة ورا تلميحة لحد ما تجيبها

نسخة «العب مع صاحبك» من خليك لمَّاح اللي بتتلعب بالشلة. هنا مفيش حد بيكتب التلميحات — اللعبة نفسها هي اللي بتلمّح: كل كلمة معاها 10 تلميحات جاهزة بتنزل واحدة ورا التانية، وكل واحدة أقرب للكلمة من اللي قبلها. الاتنين شايفين نفس التلميحة في نفس الوقت وبيخمّنوا، واللي يجيبها من تلميحة أبكر بياخد نقط أكتر.

كام لاعب؟ 👥

اتنين بس — انت وصاحبك، كل واحد على موبايله. واحد بيعمل روم ويبعت الكود للتاني، أو يصوّر الـQR.

إزاي تقدر تلعب اللعبة؟ 🎮

• حد فيكم بيعمل روم وبيبعت الكود للتاني.
• بتيجي كلمة سرية وتحتها أول تلميحة — والاتنين شايفينها مع بعض.
• اكتب تخمينك ودوس «خمّن»، أو دوس «مش عارف» لو مش جاية في دماغك.
• تخمينك بيفضل مقفول لحد ما صاحبك يرد، وبعدين التخمينتين بيظهروا مع بعض.
• محدش جابها؟ تنزل تلميحة جديدة أقرب للكلمة — وتجرّب تاني.
• حاسّين إن الكلمة دي مش جاية خالص؟ دوس «مش هنعرفها خالص — عدّي الكلمة»؛ يوصل لصاحبك، ولو وافق الجولة بتقفل والكلمة بتتكشف.
• وأول ما حد يجيبها الجولة بتقفل والكلمة بتتكشف.
• وفوق الشاشة النقط بينكم، وتحتها السلّم كله: كل تلميحة عدّت وتخميناتكم عليها.

الهوست بيحدد إيه؟ ⚙️

• عدد الجولات — كل جولة كلمة جديدة.
• الكاتيجوريز اللي هتيجي منها الكلمات: أكل ومشروبات، حيوانات، أماكن، حاجات، إسلاميات، تاريخ، رياضة، نجوم كورة، ومشاهير وفن.
• مستوى الكلمات: سهل ولا متوسط ولا صعب — وينفع يختار أكتر من مستوى مع بعض.
• وقت التخمين على التلميحة الواحدة: 45 ثانية أو أقل، أو وقت مفتوح.
• ولو حد بيعطّل، بيقدر يعدّي التلميحة.

قواعد اللعبة 📋

• كل كلمة معاها 10 تلميحات، وعندك تخمينة واحدة على كل تلميحة.
• تخمينك مقفول لحد ما صاحبك يرد — وساعتها الاتنين بيظهروا مع بعض.
• المطابقة متسامحة مع الإملا: «صلاح» و«محمد صلاح» و«مو صلاح» كلها بتتقبل.
• ولو كتبتها بشكل تاني ومقبلتهاش، بعد ما تتكشف تدوس «كانت عندي تخمينة صح» وتختار أنهي واحدة — وأول ما صاحبك يوافق تتحسبلك.
• الكلمة اللي عدّت مبترجعش تاني في نفس الروم.
• ولو النت قطع عند حد، اللعبة بتقف وتستنّاه والوقت بيقف معاها.

نظام النقط والمكسب 🏆

• جبتها من أول تلميحة؟ 100 نقطة. من التانية 90، من التالتة 80… لحد 10 في الأخيرة.
• اللي يجيبها في تلميحة أبكر بياخد النقط، ولو جبتوها في نفس التلميحة الاتنين بياخدوا. ومحدش جابها؟ الاتنين صفر.
• وفي الآخر بيطلع الترتيب والجوايز: بطل اللمّة، أسرع لمحة، الفكّيك، وابن الحلال.

أسئلة شائعة ❓

ألعب اللعبة إزاي؟ تقدر تنزّلها من على جوجل بلاي وتلعبها من خلال التطبيق بشكل سهل وسريع لمستخدمي الأندرويد.

أعمل إيه لو مش قادر أنزّل التطبيق من جوجل بلاي أو لو كنت من مستخدمي الآيفون؟ تقدر تلعبها على المتصفح على طول من اللينك ده hazzar.app بسهولة جدًا برضه.

محتاج أسجّل حساب؟ لأ — عشان نضمنلك أسهل تجربة لعب.

الكلمات بتتحفظ؟ لأ — بتتمسح لوحدها أول ما الروم يخلص.

ينفع نلعب على موبايل واحد؟ ينفع، بس الأحلى إن كل واحد يبقى على موبايله عشان محدش يشوف تخمين التاني.

لو النت قطع؟ اللعبة بتقف وتستنّاك، وأول ما ترجع بنفس الجهاز بتكمّل من نفس المكان وسكورك محسوب.