🎭 الجاسوس — لعبة خداع وهبد واكتشاف مين اللي بيحاول يعمل نفسه منكم

لعبة خداع واستنتاج. كل اللاعيبة شايفين كلمة سرية ما عدا واحد وهو الجاسوس — بيكون شايف الكاتيجوري بس. وبالدور كل واحد فيكم بيكتب كلمة واحدة توصف الكلمة، والجاسوس بيهبد معاكم بشكل تقريبي كأنه عارف الكلمة وزي ما تيجي تيجي. وطبعًا كل لاعب فيكم بيحاول يعرف مين الجاسوس، وهو بيحاول يفلت منكم وكمان بيحاول يعرف إيه الكلمة اللي بتوصفوها.

كام لاعب؟ 👥

من 3 لـ 12 لاعب، وكل ما العدد كبر كل ما بقت أمتع — فأحسن تجربة من 6 لـ 10.

إزاي تقدر تلعب اللعبة؟ 🎮

• حد فيكم بيعمل روم وبيبعت الكود للشلة.
• الباقي بيدخلوا بنفس الكود ويختاروا اسمهم والأفاتار اللي يعبّر عنهم.
• اللعبة بتوزّع الكلمة السرية على الكل ما عدا اللي جه عليه الدور عشوائي إنه يكون الجاسوس — بيشوف الكاتيجوري بس.
• بالدور كده كل واحد بيكتب كلمة واحدة بتوصف الكلمة السرية دي، والجاسوس بيستنتج ويهبد معاكم — ومهارته إنه يخليكم تفتكروه عارفها فمتقدروش تقفشوه في الآخر.
• في الآخر بتصوّتوا على مين الجاسوس، وهو بيحاول يخمّن إيه الكلمة.

الهوست بيحدد إيه؟ ⚙️

• بيحدد الكاتيجوريز اللي هتختاروها ويجي منها الكلمات السرية.
• بيحدد مستوى الكلمات — سهل ولا متوسط ولا صعب.
• بيحدد عدد الجولات في الجيم.
• بيحدد كل لاعب هيكتب كام كلمة يوصف بيها الكلمة السرية.
• بيحدد عدد الجواسيس — يبقى عشوائي ولا هو يختاره: جاسوس أو جاسوسين أو تلات جواسيس.
• بيحدد وقت الكتابة لكل لاعب.
• لو الوقت مفتوح بيقدر يتخطّى دور أو قرار بالاستمرار لأي حد بيعطّل اللعب.
• لو الجاسوس كتب الكلمة صح بس فيها حروف غلط والنظام محسبهاش صح، الهوست بيقدر يحسبله إجابته واستنتاجه للكلمة صح.

قواعد اللعبة 📋

• بتكتب كلمة واحدة بس لكل دور — ممنوع تكتب الكلمة نفسها أو حاجة قريبة من كتابتها.
• اكتب دايمًا كلمة تثبت إنك عارف من غير ما تدّي الجاسوس مفتاح جوهري وتسهّلها عليه.
• بصّ كويس على اللي بيكتب كلام عام أو مش عارف يكتب إيه والدور بيعدّي عليه، عشان تقدر تحدد الجاسوس.
• ممنوع تكرار الكلمات اللي اتقالت قبلك.
• لو الجاسوس استنتج الكلمة صح بس كتبها بحروف غلط، ساعتها الهوست يقدر يحسبله الإجابة صح.

نظام النقط والمكسب 🏆

• اللي بيكتشف الجاسوس ويختاره صح بياخد 100 نقطة.
• الجاسوس لو قدر يفلت من الكل بياخد 100 نقطة، ولو قدر يفلت من شوية وشوية لأ بياخد 50.
• الجاسوس برضه لو قدر يخمّن الكلمة صح في الآخر بياخد 100 نقطة.

أسئلة شائعة ❓

ألعب اللعبة إزاي؟ تقدر تنزّلها من على جوجل بلاي وتلعبها من خلال التطبيق بشكل سهل وسريع لمستخدمي الأندرويد.

أعمل إيه لو مش قادر أنزّل التطبيق من جوجل بلاي أو لو كنت من مستخدمي الآيفون؟ تقدر تلعبها على المتصفح على طول من اللينك ده hazzar.app بسهولة جدًا برضه.

محتاج أسجّل حساب؟ لأ — عشان نضمنلك أسهل تجربة لعب لكل أصحابك في الشلة.

الإجابات بتتحفظ؟ لأ — بتتمسح لوحدها أول ما الروم يخلص.

ينفع نلعب على موبايل واحد؟ النسخة دي لأ — كل واحد على جهازه عشان الكلمة تفضل سر عن الجاسوس. بس فيه نسخة مخصوصة لموبايل واحد بيلف عليكم: من «العب مع الشلة» اختار «على جهاز واحد».

لو النت قطع؟ ارجع بنفس الجهاز وهتلاقي مكانك زي ما هو وسكورك محسوب.