📡 الاتصال اتقطع.. بنحاول نرجّعك
🖋️ حبر سري — لعبة «مين كتب إيه؟»
لعبة مناسبة لقعدة الشلة مع بعض، بتكشف مين فيكم يعرف يقرا صحابه أكتر ويعرف يقفش كل إجابة بتاعة مين. كل جولة بيبقى فيها سؤال وكل واحد بيجاوب عليه في السر، وبعدين الإجابات بتتعرض عليكم — ومهمتكم تعرفوا مين كتب إيه.
كام لاعب؟ 👥
من 3 لـ 12 لاعب، وأحلى تجربة مع شلة صحاب تعرف بعضها كويس من 5 لـ 9.
إزاي تقدر تلعب اللعبة؟ 🎮
- حد فيكم بيعمل روم وبيبعت الكود للشلة.
- الباقي بيدخلوا بنفس الكود ويختاروا اسمهم والأفاتار اللي يعبّر عنهم.
- بيظهر سؤال في كل جولة وكل واحد بيكتب الإجابة بتاعته في السر.
- الإجابات بتظهر بشكل عشوائي قدامكم.
- كل واحد فيكم هدفه يوصل لكل إجابة بتاعة مين من صحابه.
الهوست بيحدد إيه؟ ⚙️
- بيحدد عدد الجولات من كل نوع أسئلة: كام جولة تصويت، وكام جولة أسئلة عشوائية من البنك، وكام جولة لاعب فيكم يكتب السؤال.
- بيحدد وقت كتابة الإجابة.
- لو الوقت مفتوح بيقدر يتخطّى إجابة أو تخمينة أو قرار بالاستمرار لأي حد بيعطّل اللعب.
قواعد اللعبة 📋
- إجابتك بتفضل مخفية عن الباقي لحد ما الجولة تخلص.
- مينفعش اتنين يكتبوا نفس الإجابة بالحرف.
- عدد اللي سلّموا بيبان من غير أسماء مين سلّم — عشان محدش يقدر يستنتج الإجابة بتاعة مين من كده.
- لو حد مكتبش إجابة في جولة، مش بيقدر يخمّن مع الباقي في الجولة دي — عشان ميبقاش ليه أفضلية وياخد نقط أكتر.
- الأسئلة مش بتتكرر في أي روم.
- لو حد نته فصل بيقدر يرجع تاني ويكمّل اللعب.
- لو اتأخرت في الإجابة والوقت كان مفتوح، الهوست بيقدر يتخطّى إجابتك عشان محدش يعطّل اللعب.
نظام النقط والمكسب 🏆
- بتاخد 100 نقطة عن كل إجابة تعرف صاحبها صح.
- بتاخد 20 نقطة عن كل لاعب ميعرفش يوصل لأنهي إجابة بتاعتك انت صح.
- يعني تقدر تكسب بالتمويه زي ما بتكسب بالتخمين.
أسئلة شائعة ❓
ألعب اللعبة إزاي؟ تقدر تنزّلها من على جوجل بلاي وتلعبها من خلال التطبيق بشكل سهل وسريع لمستخدمي الأندرويد.
أعمل إيه لو مش قادر أنزّل التطبيق من جوجل بلاي أو لو كنت من مستخدمي الآيفون؟ تقدر تلعبها على المتصفح على طول من اللينك ده hazzar.app بسهولة جدًا برضه.
محتاج أسجّل حساب؟ لأ — عشان نضمنلك أسهل تجربة لعب لكل أصحابك في الشلة.
الإجابات بتتحفظ؟ لأ — بتتمسح لوحدها أول ما الروم يخلص.
ينفع نلعب على موبايل واحد؟ لأ — كل واحد لازم يكتب إجابته في السر على جهازه.
لو النت قطع؟ ارجع بنفس الجهاز وهتلاقي مكانك زي ما هو وسكورك محسوب.