📚 اسأل واستفيد — مسابقة معلومات واستفادة وتحدي

لعبة معلومات بس بلمسة مختلفة فيها تحدي واستفادة بشكل ممتع: انتوا اللي بتكتبوا الأسئلة. كل واحد فيكم بيجهّز أسئلة اختيار من 3 بنفسه ويحدد أنهي الإجابة الصح في الكاتيجوريز اللي مختارينها — وده من معلوماته يا إما بياخد من أسئلة البنك. وبعدين الأسئلة بتتخلط وتتقلب وكل واحد فيكم بيجاوب على أسئلة الباقي. واللي يجاوب صح ويكون أسرع بياخد نقط أكتر.

كام لاعب؟ 👥

من 3 لـ 12 لاعب، وأحسن تجربة من 4 لـ 8.

إزاي تقدر تلعب اللعبة؟ 🎮

• حد فيكم بيعمل روم وبيبعت الكود للشلة.
• الباقي بيدخلوا بنفس الكود ويختاروا اسمهم والأفاتار اللي يعبّر عنهم.
• كل لاعب فيكم بيجهّز أسئلته، ويكون مستوى الأسئلة على حسب المستوى اللي الهوست محدده: السؤال + 3 اختيارات + يحدد أنهي منهم الإجابة الصح. أو ياخد أسئلة من بنك الأسئلة ويقدر يبدّلها لو معجبتوش.
• الأسئلة بتبدأ تتعرض وكل واحد فيكم بيبدأ يجاوب على أسئلة الباقي — وأهم حاجة السرعة عشان تاخد بونص.

الهوست بيحدد إيه؟ ⚙️

• بيحدد كل لاعب هيجهّز كام سؤال في كل كاتيجوري.
• بيحدد الكاتيجوريز اللي هتسألوا فيها.
• بيحدد مستوى صعوبة الأسئلة — سواء اللي من البنك أو اللي هتجهّزوها انتوا — وينفع يختار أكتر من مستوى مع بعض.
• بيحدد وقت الإجابة على كل سؤال.
• لو الوقت مفتوح بيقدر يتخطّى تجهيز أسئلة أو قرار لأي حد بيعطّل اللعب.

قواعد اللعبة 📋

• لازم السؤال يبقى من نفس كاتيجوري الخانة المتحدد يكون منها السؤال — ده لو بتكتب السؤال بنفسك مش بتختار من البنك.
• لازم تكون متأكد من إجابة الأسئلة اللي بتجهّزهالهم ومحددها صح، عشان النظام بيصحّح على اللي انت محدده.
• لو مش لاقي سؤال، اسحب واحد جاهز من البنك باختياراته وإجابته — وليك 3 تبديلات من البنك لكل خانة لو معجبكش السؤال.
• لما بتتعرض الأسئلة وبيجي سؤال انت اللي كاتبه، بتتفرج بس — مش هتجاوب على سؤالك أكيد.
• أي سؤال بيظهر بيتشال من الروم ومش بيتكرر.

نظام النقط والمكسب 🏆

• لو إجابتك صح على سؤال بتاخد 100 نقطة. وكل ما تجاوب أسرع بتاخد لحد 50 نقطة بونص — والبونص طبعًا بيقل كل ما بتتأخر.
• تقدر تغيّر إجابتك قبل ما الوقت يخلص، بس طبعًا البونص بيتحسب من آخر تغيير.

أسئلة شائعة ❓

ألعب اللعبة إزاي؟ تقدر تنزّلها من على جوجل بلاي وتلعبها من خلال التطبيق بشكل سهل وسريع لمستخدمي الأندرويد.

أعمل إيه لو مش قادر أنزّل التطبيق من جوجل بلاي أو لو كنت من مستخدمي الآيفون؟ تقدر تلعبها على المتصفح على طول من اللينك ده hazzar.app بسهولة جدًا برضه.

محتاج أسجّل حساب؟ لأ — عشان نضمنلك أسهل تجربة لعب لكل أصحابك في الشلة.

الإجابات بتتحفظ؟ لأ — بتتمسح لوحدها أول ما الروم يخلص.

ينفع نلعب على موبايل واحد؟ لأ — كل واحد بيجهّز أسئلته ويجاوب لوحده على جهازه.

لو النت قطع؟ ارجع بنفس الجهاز وهتلاقي مكانك زي ما هو وسكورك محسوب.